ਅਰਕਨਸਾਸ ਰਾਜ ਵਿਧਾਨ ਸਭਾ ਵਿੱਚ ਹਾਲ ਹੀ ਵਿੱਚ ਇੱਕ ਨਵਾਂ ਬਿੱਲ ਪਾਸ ਕੀਤਾ ਗਿਆ ਹੈ, ਜਿਸ ਵਿੱਚ ਕਮਰਸ਼ੀਅਲ ਟਰੱਕ ਡਰਾਈਵਰਾਂ ਲਈ ਅੰਗਰੇਜ਼ੀ ਭਾਸ਼ਾ ਵਿੱਚ ਮੁਹਾਰਤ ਹੋਣਾ ਅਤੇ ਵਿਦੇਸ਼ੀ ਨਾਗਰਿਕਾਂ ਲਈ ਢੁੱਕਵੇਂ ਦਸਤਾਵੇਜ਼ਾਂ ਦੀ ਮੰਗ ਕਰਦਾ ਹੈ। ਇਹ ਬਿੱਲ ਹੁਣ ਗਵਰਨਰ ਸਾਰਾਹ ਹਕਾਬੀ ਸੈਂਡਰਸ ਦੇ ਦਫ਼ਤਰ ਵੱਲ ਭੇਜਿਆ ਗਿਆ ਹੈ, ਜਿਨ੍ਹਾਂ ਵੱਲੋਂ ਇਸ ‘ਤੇ ਦਸਤਖਤ ਕਰਕੇ ਇਸਨੂੰ ਕਾਨੂੰਨ ਬਣਾਉਣਾ ਯਕੀਨੀ ਹੈ।
ਰਾਜ ਪ੍ਰਤੀਨਿਧੀ ਸਭਾ ਵਿੱਚ 9 ਅਪ੍ਰੈਲ ਨੂੰ 82-0 ਵੋਟਾਂ ਨਾਲ ਪਾਸ ਹੋਏ (18 ਮੈਂਬਰਾਂ ਨੇ ਵੋਟ ਨਹੀਂ ਪਾਈ) HB1745 ਬਿੱਲ ਤਹਿਤ, ਕਿਸੇ ਵੀ ਅਜਿਹੇ ਡਰਾਈਵਰ ‘ਤੇ ਪਹਿਲੀ ਉਲੰਘਣਾ ਲਈ $500 ਅਤੇ ਬਾਅਦ ਦੀਆਂ ਉਲੰਘਣਾਵਾਂ ਲਈ $1,000 ਦਾ ਜੁਰਮਾਨਾ ਲਗਾਇਆ ਜਾਵੇਗਾ ਜੋ ਹੇਠ ਲਿਖੀਆਂ ਲੋੜਾਂ ਪੂਰੀਆਂ ਨਹੀਂ ਕਰ ਸਕਦਾ:
– ਜਨਤਾ ਨਾਲ ਅੰਗਰੇਜ਼ੀ ਵਿੱਚ ਗੱਲਬਾਤ ਕਰਨਾ।
– ਹਾਈਵੇਅ ਟ੍ਰੈਫਿਕ ਚਿੰਨ੍ਹਾਂ ਅਤੇ ਸੰਕੇਤਾਂ ਨੂੰ ਅੰਗਰੇਜ਼ੀ ਵਿੱਚ ਸਮਝਣਾ।
– ਸਰਕਾਰੀ ਪੁੱਛਗਿੱਛ ਦਾ ਅੰਗਰੇਜ਼ੀ ਵਿੱਚ ਜਵਾਬ ਦੇਣਾ।
– ਰਿਪੋਰਟਾਂ ਅਤੇ ਰਿਕਾਰਡਾਂ ਵਿੱਚ ਅੰਗਰੇਜ਼ੀ ਵਿੱਚ ਇੰਦਰਾਜ ਕਰਨਾ।
ਇਸ ਤੋਂ ਇਲਾਵਾ, “ਵਿਦੇਸ਼ੀ ਨਿਵਾਸ ਵਾਲੇ” (foriegn-doimicled) ਡਰਾਈਵਰਾਂ ‘ਤੇ ਕਲਾਸ ਡੀ ਫੈਲੋਨੀ (ਇੱਕ ਗੰਭੀਰ ਅਪਰਾਧ) ਦਾ ਦੋਸ਼ ਲਗਾਇਆ ਜਾ ਸਕਦਾ ਹੈ ਜੇਕਰ ਉਨ੍ਹਾਂ ਕੋਲ ਤੁਰੰਤ ਕਬਜ਼ੇ ਵਿੱਚ ਵੈਧ ਵਰਕ ਪਰਮਿਟ ਜਾਂ ਵਰਕ ਵੀਜ਼ਾ ਨਹੀਂ ਹੈ। ਜੇਕਰ ਉਹ ਬਾਅਦ ਵਿੱਚ ਅਜਿਹਾ ਦਸਤਾਵੇਜ਼ ਪੇਸ਼ ਕਰ ਦਿੰਦੇ ਹਨ, ਤਾਂ ਦੋਸ਼ ਨੂੰ ਕਲਾਸ ਏ ਮਿਸਡਿਮੀਨਰ (ਇੱਕ ਹਲਕਾ ਅਪਰਾਧ) ਤੱਕ ਘਟਾਇਆ ਜਾ ਸਕਦਾ ਹੈ।
ਇਸ ਬਿੱਲ ਦਾ ਅਰਕਨਸਾਸ ਟਰੱਕਿੰਗ ਐਸੋਸੀਏਸ਼ਨ ਅਤੇ ਓਨਰ-ਓਪਰੇਟਰ ਇੰਡੀਪੈਂਡੈਂਟ ਡਰਾਈਵਰਜ਼ ਐਸੋਸੀਏਸ਼ਨ (OOIDA) ਦੁਆਰਾ ਸਮਰਥਨ ਕੀਤਾ ਗਿਆ ਹੈ। ਇਹ ਬਿੱਲ ਅਜਿਹੇ ਸਮੇਂ ਵਿੱਚ ਆਇਆ ਹੈ ਜਦੋਂ ਫੈਡਰਲ ਮੋਟਰ ਕੈਰੀਅਰ ਸੇਫਟੀ ਐਡਮਿਨਿਸਟ੍ਰੇਸ਼ਨ (FMCSA) ਉਹਨਾਂ ਦਿਸ਼ਾ-ਨਿਰਦੇਸ਼ਾਂ ਨੂੰ ਮੁੜ ਲਾਗੂ ਕਰਨ ‘ਤੇ ਵਿਚਾਰ ਕਰ ਰਹੀ ਹੈ ਜਿਸ ਵਿੱਚ ਕਿਸੇ ਵੀ ਕਮਰਸ਼ੀਅਲ ਡਰਾਈਵਰ ਲਾਇਸੈਂਸ (CDL) ਧਾਰਕ ਲਈ ਅੰਗਰੇਜ਼ੀ ਵਿੱਚ ਸੰਚਾਰ ਕਰਨਾ ਲਾਜ਼ਮੀ ਹੈ।
ਇਸ ਨਿਯਮ ਨੂੰ ਪਹਿਲਾਂ ਕਮਰਸ਼ੀਅਲ ਵਹੀਕਲ ਸੇਫਟੀ ਅਲਾਇੰਸ (FMCSA) ਦੁਆਰਾ ਆਊਟ-ਆਫ-ਸਰਵਿਸ (ਕੰਮ ਤੋਂ ਬਾਹਰ ਕਰਨ ਵਾਲੀ) ਉਲੰਘਣਾ ਵਜੋਂ ਹਟਾ ਦਿੱਤਾ ਗਿਆ ਸੀ। ਪਰ ਹਾਲ ਹੀ ਵਿੱਚ ਗੈਰ-ਅੰਗਰੇਜ਼ੀ ਬੋਲਣ ਵਾਲੇ ਡਰਾਈਵਰਾਂ ਨਾਲ ਜੁੜੇ ਟਰੱਕ ਹਾਦਸਿਆਂ ਕਾਰਨ ਇਸ ਨਿਯਮ ਨੂੰ ਮੁੜ ਲਾਗੂ ਕਰਨ ਦੀ ਮੰਗ ਉੱਠੀ ਹੈ।
OOIDA ਨੇ ਕਿਹਾ ਕਿ “2019 ਦੇ FMCSA ਦਿਸ਼ਾ-ਨਿਰਦੇਸ਼ਾਂ, ਜੋ ਗੈਰ-ਨਿਵਾਸੀ ਛਧਲ਼ਸ ਦੀ ਇਜਾਜ਼ਤ ਦਿੰਦੇ ਹਨ, ਤੋਂ ਬਾਅਦ ਸਾਡੇ ਮੈਂਬਰਾਂ ਦੁਆਰਾ ਅਸੁਰੱਖਿਅਤ ਘਟਨਾਵਾਂ ਦੀ ਇੱਕ ਚਿੰਤਾਜਨਕ ਗਿਣਤੀ ਵੇਖੀ ਗਈ ਹੈ। ਇਹਨਾਂ ਵਿੱਚੋਂ ਬਹੁਤ ਸਾਰੇ ਗੈਰ-ਨਿਵਾਸੀ ਡਰਾਈਵਰਾਂ ਨੂੰ ਟਰੱਕ ਸਟਾਪਾਂ, ਗੋਦਾਮਾਂ ਅਤੇ ਫਿਊਲੰਿਗ ਸਟੇਸ਼ਨਾਂ ‘ਤੇ ਬੁਨਿਆਦੀ ਚਿੰਨ੍ਹਾਂ ਜਾਂ ਹਦਾਇਤਾਂ ਨੂੰ ਸਮਝਣ ਵਿੱਚ ਮੁਸ਼ਕਲਾਂ ਆਈਆਂ ਹਨ।”
ਇਸ ਮੁੱਦੇ ਬਾਰੇ ਪੁੱਛੇ ਜਾਣ ‘ਤੇ, CVSA ਨੇ ਕਿਹਾ ਕਿ “ਇਹ ਨੋਟ ਕਰਨਾ ਮਹੱਤਵਪੂਰਨ ਹੈ ਕਿ ਧਾਰਾ 391.11(ਬ)(2) ਵਿੱਚ ਅੰਗਰੇਜ਼ੀ ਭਾਸ਼ਾ ਦੀ ਮੁਹਾਰਤ ਦੀ ਲੋੜ ਨੂੰ ਲਾਗੂ ਕਰਨਾ ਬੰਦ ਨਹੀਂ ਹੋਇਆ ਹੈ,” ਅਤੇ ਇਹ “ਇੱਕ ਉਲੰਘਣਾ ਬਣੀ ਹੋਈ ਹੈ ਜਿਸਨੂੰ ਉਚਿਤ ਹੋਣ ‘ਤੇ ਦਰਜ ਕੀਤਾ ਜਾਂਦਾ ਹੈ।”
ਇਹ ਨਵਾਂ ਬਿੱਲ ਅਰਕਨਸਾਸ ਕੋਡ ਵਿੱਚ ਸੋਧ ਕਰਦਾ ਹੈ ਤਾਂ ਜੋ ਇਹ ਸਪੱਸ਼ਟ ਕੀਤਾ ਜਾ ਸਕੇ ਕਿ “ਕੈਨੇਡਾ, ਮੈਕਸੀਕੋ, ਜਾਂ ਫੈਡਰਲ ਮੋਟਰ ਕੈਰੀਅਰ ਸੇਫਟੀ ਐਡਮਿਨਿਸਟ੍ਰੇਸ਼ਨ ਦੁਆਰਾ ਮਾਨਤਾ ਪ੍ਰਾਪਤ ਕਿਸੇ ਛੋਟ ਜਾਂ ਰਿਆਇਤ ਅਧੀਨ ਕਿਸੇ ਹੋਰ ਅਧਿਕਾਰ ਖੇਤਰ” ਦੁਆਰਾ ਜਾਰੀ ਕੀਤੇ ਗਏ CDLs ਵਾਲੇ ਡਰਾਈਵਰਾਂ ਕੋਲ ਇੱਕ ਵੈਧ ਕਮਰਸ਼ੀਅਲ ਲਾਇਸੈਂਸ ਦੇ ਨਾਲ-ਨਾਲ ਇੱਕ “ਵੈਧ ਵਰਕ ਵੀਜ਼ਾ ਜਾਂ ਵੈਧ ਰੁਜ਼ਗਾਰ ਅਧਿਕਾਰ ਦਸਤਾਵੇਜ਼ (Employment Authoirzaiton Document – EAD)” ਹੋਣਾ ਚਾਹੀਦਾ ਹੈ ਜੋ “ਮੁਅੱਤਲ, ਰੱਦ, ਜਾਂ ਖਾਰਜ” ਨਾ ਕੀਤਾ ਗਿਆ ਹੋਵੇ, ਜਾਂ ਡਰਾਈਵਰ ਅਯੋਗ ਨਾ ਹੋਵੇ ਜਾਂ ਆਊਟ-ਆਫ-ਸਰਵਿਸ (OOS) ਆਰਡਰ ਦੇ ਅਧੀਨ ਨਾ ਹੋਵੇ।
