ਹਾਲ ਹੀ ਵਿੱਚ ਹੋਈਆਂ ਡਰਾਈਵਰਾਂ ਦੀਆਂ ਛਾਂਟੀਆਂ ਅਤੇ ਟਰੰਪ ਪ੍ਰਸ਼ਾਸਨ ਦੇ “ਵਨ ਬਿਗ ਬਿਊਟੀਫੁੱਲ ਬਿੱਲ ਐਕਟ” ਦੇ ਪਾਸ ਹੋਣ ਕਾਰਨ ਹੋਣ ਵਾਲੀਆਂ ਸੰਭਾਵਿਤ ਤਬਦੀਲੀਆਂ ਕਾਰਨ ਟਰੱਕਿੰਗ ਸੈਕਟਰ ਵਿੱਚ ਸਮਰੱਥਾ ਦੀ ਕਮੀ (tightening capaicty) ਦਾ ਕਾਰਨ ਬਣਨ ਦੀ ਉਮੀਦ ਹੈ। ਪ੍ਰਸ਼ਾਸਨ ਦੇ ਇੰਗਲਿਸ਼ ਲੈਂਗਵੇਜ ਪ੍ਰੋਫੀਸ਼ੈਂਸੀ (ELP) ਮੈਂਡੇਟ ਦੇ ਪ੍ਰਬੰਧ, ਜੋ ਜੂਨ ਵਿੱਚ ਲਾਗੂ ਹੋਏ, ਬਿਗ ਬਿਊਟੀਫੁੱਲ ਬਿੱਲ ਤੋਂ ਇਮੀਗ੍ਰੇਸ਼ਨ ਕਾਰਵਾਈਆਂ ਲਈ ਵਧੇਰੇ ਫੰਡਿੰਗ ਦੇ ਨਾਲ ਮਿਲ ਕੇ, ਟਰੱਕ ਡਰਾਈਵਰਾਂ ਅਤੇ ਹੋਰ ਕਾਮਿਆਂ ਦੀ ਘਟਦੀ ਗਿਣਤੀ ਦਾ ਕਾਰਨ ਬਣਨਗੇ। ਅਮਰੀਕਾ ਦੇ ਕੁੱਲ ਡਰਾਈਵਰਾਂ ਵਿੱਚੋਂ ਲਗਭਗ 20% ਪ੍ਰਵਾਸੀ ਹਨ।
ਕੁਝ ਵਿਸ਼ਲੇਸ਼ਕਾਂ ਦਾ ਅਨੁਮਾਨ ਹੈ ਕਿ ਡਰਾਈਵਰਾਂ ਦੀ ਉਪਲਬਧਤਾ ਦੀ ਕਮੀ ਸਮਰੱਥਾ ‘ਤੇ ਦਬਾਅ ਪਾਵੇਗੀ ਅਤੇ ਫਰੇਟ ਦਰਾਂ ਨੂੰ ਅਸਮਾਨ ‘ਤੇ ਪਹੁੰਚਾ ਦੇਵੇਗੀ। ਦਰਾਂ ਵਿੱਚ ਵਾਧਾ ਉਸ ਚੀਜ਼ ਦੇ ਅੰਤ ਦੀ ਸ਼ੁਰੂਆਤ ਕਰ ਸਕਦਾ ਹੈ ਜਿਸਨੂੰ ਗ੍ਰੇਟ ਫਰੇਟ ਮੰਦੀ (Great Frieght Recesison) ਕਿਹਾ ਜਾਂਦਾ ਹੈ, ਜਿਸਨੇ 2022 ਦੀ ਸ਼ੁਰੂਆਤ ਤੋਂ ਅਮਰੀਕਾ ਨੂੰ ਪ੍ਰੇਸ਼ਾਨ ਕੀਤਾ ਹੋਇਆ ਹੈ, ਜਦੋਂ ਸਪਲਾਈ ਚੇਨ ਦੀਆਂ ਮੰਗਾਂ ਅਤੇ ਬਦਲਦੇ ਖਪਤਕਾਰਾਂ ਦੇ ਵਿਵਹਾਰ ਨੇ ਫਰੇਟ ਅਰਥਵਿਵਸਥਾ ਨੂੰ ਤਬਾਹ ਕਰ ਦਿੱਤਾ ਸੀ।
ਜੂਨ ਵਿੱਚ ਐਲਾਨੀਆਂ ਗਈਆਂ ਅਮਰੀਕਾ ਅਤੇ ਮੈਕਸੀਕੋ ਵਿੱਚ ਇਸ ਸੈਕਟਰ ਵਿੱਚ ਛਾਂਟੀਆਂ ਪਹਿਲਾਂ ਹੀ ਲਗਭਗ 9,000 ਫਰੇਟ-ਸੰਬੰਧਿਤ ਕਰਮਚਾਰੀਆਂ ਨੂੰ ਪਾਸੇ ਕਰ ਚੁੱਕੀਆਂ ਹਨ, ਅਤੇ ਇਮੀਗ੍ਰੇਸ਼ਨ ਕਾਰਵਾਈਆਂ (ਰਾਊਂਡਅੱਪ) ਕਾਰਨ ਉਪਲਬਧ ਡਰਾਈਵਰਾਂ ਅਤੇ ਵੇਅਰਹਾਊਸ ਕਾਮਿਆਂ ਦੀ ਗਿਣਤੀ ਘਟਣ ਦੀ ਉਮੀਦ ਹੈ। ਨਵੀਂ ਕਾਨੂੰਨਸਾਜ਼ੀ ਇਮੀਗ੍ਰੇਸ਼ਨ ਲਾਗੂਕਰਨ ਲਈ ਲਗਭਗ 170 ਬਿਲੀਅਨ ਡਾਲਰ ਅਲਾਟ ਕਰਦੀ ਹੈ, ਜਿਸ ਵਿੱਚ ਵਧੇਰੇ ICE ਏਜੰਟ ਅਤੇ ਨਜ਼ਰਬੰਦੀ ਕੇਂਦਰ ਸ਼ਾਮਲ ਹਨ।
ਇਸ ਤੋਂ ਇਲਾਵਾ, ਓਲ਼ਫ ਮੈਂਡੇਟ ਸਮਰੱਥਾ ਦੀ ਕਮੀ ਨੂੰ ਤੇਜ਼ ਕਰੇਗਾ। ਕਮਰਸ਼ੀਅਲ ਵਹੀਕਲ ਸੇਫਟੀ ਅਲਾਇੰਸ (Commercial Vehicle Safety Alliance) ਦਾ ਨਵਾਂ ਨਿਯਮ, ਜੋ ਅੰਗਰੇਜ਼ੀ ਮੁਹਾਰਤ ਦੇ ਟੈਸਟਾਂ ਵਿੱਚ ਫੇਲ੍ਹ ਹੋਣ ਵਾਲੇ ਡਰਾਈਵਰਾਂ ਨੂੰ ਸੇਵਾ ਤੋਂ ਬਾਹਰ ਕਰ ਦਿੰਦਾ ਹੈ, ਇੰਟਰਸਟੇਟ ਕਮਰਸ਼ੀਅਲ ਡਰਾਈਵਰਜ਼ ਲਾਇਸੈਂਸ (CDL) ਧਾਰਕਾਂ ਦੀ ਗਿਣਤੀ ਵਿੱਚ 40,000 ਤੋਂ 60,000 ਦੀ ਕਮੀ ਕਰ ਸਕਦਾ ਹੈ। ਮੈਕਸੀਕੋ, ਪੂਰਬੀ ਯੂਰਪ ਜਾਂ ਦੱਖਣੀ ਏਸ਼ੀਆ ਤੋਂ ਆਏ ਪ੍ਰਵਾਸੀ, ਜੋ ਅਕਸਰ ਛੋਟੇ ਫਲੀਟਾਂ ਲਈ ਗੱਡੀ ਚਲਾਉਂਦੇ ਹਨ ਜਾਂ ਮਾਲਕ-ਓਪਰੇਟਰ (owner-operators) ਹੁੰਦੇ ਹਨ, ਵੇਅ ਸਟੇਸ਼ਨਾਂ ‘ਤੇ ਲਾਗੂਕਰਨ ਅਤੇ ਗੈਰ-ਨਿਵਾਸੀ (non-doimicled) CDL ਸਮੀਖਿਆਵਾਂ ਦਾ ਸਾਹਮਣਾ ਕਰਦੇ ਹਨ।
ਬਿਗ ਬਿਊਟੀਫੁੱਲ ਬਿੱਲ ਵਿੱਚ ਕਈ ਅਜਿਹੇ ਪ੍ਰਬੰਧ ਹਨ ਜੋ ਇਹ ਯਕੀਨੀ ਬਣਾਉਣਗੇ ਕਿ ਬਹੁਤ ਸਾਰੇ ਪ੍ਰਵਾਸੀ ਡਰਾਈਵਰ ਸੜਕ ਤੋਂ ਬਾਹਰ ਹੋ ਜਾਣ। ਇਹਨਾਂ ਵਿੱਚ ਸ਼ਾਮਲ ਹਨ:
ਸ਼ਰਣ ਅਤੇ ਨਜ਼ਰਬੰਦੀ ਵਿੱਚ ਤਬਦੀਲੀਆਂ: ਵਨ ਬਿਗ ਬਿਊਟੀਫੁੱਲ ਬਿੱਲ ਐਕਟ, H.R. 1, “ਰੀਮੇਨ ਇਨ ਮੈਕਸੀਕੋ” (Remian in Mexico) ਨੀਤੀ ਨੂੰ ਬਹਾਲ ਕਰਨ ਲਈ ਫੰਡ ਅਲਾਟ ਕਰਦਾ ਹੈ, ਜਿਸ ਤਹਿਤ ਸ਼ਰਣ ਮੰਗਣ ਵਾਲਿਆਂ ਨੂੰ ਆਪਣੇ ਦਾਅਵਿਆਂ ‘ਤੇ ਕਾਰਵਾਈ ਦੌਰਾਨ ਮੈਕਸੀਕੋ ਵਿੱਚ ਇੰਤਜ਼ਾਰ ਕਰਨਾ ਪਵੇਗਾ। ਇਹ ਤੇਜ਼ੀ ਨਾਲ ਹਟਾਉਣ (expedited removal) ਦੀ ਵਰਤੋਂ ਦਾ ਵਿਸਤਾਰ ਕਰਦਾ ਹੈ, ਜੋ ਖਾਸ ਵਿਅਕਤੀਆਂ ਨੂੰ ਤੇਜ਼ੀ ਨਾਲ ਦੇਸ਼ ਨਿਕਾਲਾ ਦੇਣ ਦੀ ਇਜਾਜ਼ਤ ਦਿੰਦਾ ਹੈ, ਜਿਨ੍ਹਾਂ ਵਿੱਚ ਅਪਰਾਧਿਕ ਜਾਂ ਸੁਰੱਖਿਆ ਕਾਰਨਾਂ ਕਰਕੇ ਨਾ-ਮਨਜ਼ੂਰ ਮੰਨੇ ਗਏ ਵਿਅਕਤੀ ਸ਼ਾਮਲ ਹਨ। H.R. 1 ਪਰਿਵਾਰਾਂ ਨੂੰ ਨਜ਼ਰਬੰਦ ਕਰਨ ‘ਤੇ ਪਿਛਲੀਆਂ ਸੀਮਾਵਾਂ ਨੂੰ ਹਟਾਉਂਦਾ ਹੈ ਅਤੇ ਪ੍ਰਵਾਸੀਆਂ ਲਈ ਸਮੁੱਚੀ ਨਜ਼ਰਬੰਦੀ ਸਮਰੱਥਾ ਨੂੰ ਮਹੱਤਵਪੂਰਨ ਤੌਰ ‘ਤੇ ਵਧਾਉਂਦਾ ਹੈ।
ਫੀਸਾਂ: ਬਿੱਲ ਇਮੀਗ੍ਰੇਸ਼ਨ-ਸੰਬੰਧਿਤ ਅਰਜ਼ੀ ਫੀਸਾਂ ਵਿੱਚ ਮਹੱਤਵਪੂਰਨ ਵਾਧੇ ਦਾ ਪ੍ਰਸਤਾਵ ਕਰਦਾ ਹੈ। ਉਦਾਹਰਨਾਂ ਵਿੱਚ ਸ਼ਰਣ ਅਰਜ਼ੀਆਂ ਲਈ $1,000 ਦੀ ਫੀਸ, ਟੈਂਪੋਰੇਰੀ ਪ੍ਰੋਟੈਕਟਡ ਸਟੇਟਸ (TPS) ਲਈ $500 ਦੀ ਫੀਸ, ਅਤੇ ਕਾਨੂੰਨੀ ਸਥਾਈ ਨਿਵਾਸੀ (ਗ੍ਰੀਨ ਕਾਰਡ) ਵਜੋਂ ਸਥਿਤੀ ਨੂੰ ਵਿਵਸਥਿਤ ਕਰਨ ਲਈ $1,500 ਦੀ ਫੀਸ ਸ਼ਾਮਲ ਹਨ।
ਇਮੀਗ੍ਰੇਸ਼ਨ ਪ੍ਰੋਟੈਕਟਡ ਸਟੇਟਸ ਖਤਮ: H.R. 1 ਕਈ ਸਮੂਹਾਂ ਲਈ ਪੈਰੋਲ ਪ੍ਰੋਗਰਾਮਾਂ ਨੂੰ ਖਤਮ ਕਰਦਾ ਹੈ, ਜਿਨ੍ਹਾਂ ਵਿੱਚ ਕਿਊਬਨ, ਹੈਤੀਅਨ, ਨਿਕਾਰਾਗੁਆਨ, ਵੈਨੇਜ਼ੁਏਲਨ ਅਤੇ ਯੂਕਰੇਨੀ ਸ਼ਾਮਲ ਹਨ।
ਹੋਰ ਪਾਬੰਦੀਆਂ: ਬਿੱਲ ਪੈਰੋਲੀਆਂ, ਟੈਂਪੋਰੇਰੀ ਪ੍ਰੋਟੈਕਟਡ ਸਟੇਟਸ ਧਾਰਕਾਂ, ਅਤੇ ਸ਼ਰਣ ਮੰਗਣ ਵਾਲਿਆਂ ਲਈ ਇਮਪਲਾਇਮੈਂਟ ਅਥਾਰਾਈਜ਼ੇਸ਼ਨ ਡਾਕੂਮੈਂਟਸ (EADs) ਨੂੰ ਰੋਕਦਾ ਹੈ, ਜਦੋਂ ਤੱਕ ਕਾਨੂੰਨੀ ਤੌਰ ‘ਤੇ ਲਾਜ਼ਮੀ ਨਾ ਹੋਵੇ, ਜੋ ਸੰਭਾਵੀ ਤੌਰ ‘ਤੇ 40,000 ਤੋਂ 80,000 ਡਰਾਈਵਰਾਂ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ, ਜਿਨ੍ਹਾਂ ਵਿੱਚ ਪੈਰੋਲੀਏ ਸ਼ਾਮਲ ਹਨ ਜੋ ਓਅਧਸ ‘ਤੇ ਨਿਰਭਰ ਕਰਦੇ ਹਨ। ਪਾਲਣਾ ਨਾ ਕਰਨ ‘ਤੇ ਪ੍ਰਤੀ ਕਾਮੇ $4,473 ਤੱਕ ਦਾ ਜੁਰਮਾਨਾ ਸ਼ਾਮਲ ਹੈ।
ਲੇਬਰ ਡਿਪਾਰਟਮੈਂਟ ਦਾ ਅਨੁਮਾਨ ਹੈ ਕਿ ਅਮਰੀਕਾ ਵਿੱਚ ਘੱਟੋ-ਘੱਟ 700,000 ਪ੍ਰਵਾਸੀ ਡਰਾਈਵਰ ਹਨ, ਅਤੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਗਿਣਤੀ ਘੱਟ ਹੈ ਕਿਉਂਕਿ ਛੋਟੇ ਫਲੀਟ ਅਤੇ ਮਾਲਕ-ਓਪਰੇਟਰ ਅਕਸਰ ਇਹਨਾਂ ਅੰਕੜਿਆਂ ਵਿੱਚ ਯੋਗਦਾਨ ਨਹੀਂ ਪਾਉਂਦੇ।
ਉਹਨਾਂ ਵਿੱਚੋਂ, ਬਿੱਲ ਕਾਰਨ 50,000 ਤੋਂ 100,000 ਡਰਾਈਵਰਾਂ ਦੇ ਪ੍ਰਭਾਵਿਤ ਹੋਣ ਦੀ ਉਮੀਦ ਹੈ। ਅਤੀਤ ਵਿੱਚ, ਅਮਰੀਕਾ ਵਿੱਚ ਪ੍ਰਵਾਸੀ ਡਰਾਈਵਰਾਂ ਬਾਰੇ ਵੀ ਇਸੇ ਤਰ੍ਹਾਂ ਦੇ ਨਿਯਮ ਰਹੇ ਹਨ, ਪਰ ਅਕਸਰ ਫੰਡਾਂ ਦੀ ਕਮੀ ਕਾਰਨ ਇਹਨਾਂ ਕਾਨੂੰਨਾਂ ਨੂੰ ਨਜ਼ਰਅੰਦਾਜ਼ ਕੀਤਾ ਜਾਂਦਾ ਰਿਹਾ ਹੈ।
H.R. 1 ਤੋਂ ਨਵਾਂ ਪੈਸਾ ਸੰਘੀ ਅਧਿਕਾਰੀਆਂ ਦੀ ਪ੍ਰਵਾਸੀਆਂ ਨੂੰ ਨਜ਼ਰਬੰਦ ਕਰਨ ਅਤੇ ਦੇਸ਼ ਨਿਕਾਲਾ ਦੇਣ ਦੀ ਸਮਰੱਥਾ ਨੂੰ ਨਾਟਕੀ ਢੰਗ ਨਾਲ ਵਧਾ ਦੇਵੇਗਾ। ੀਛਓ ਕੋਲ 2025-2026 ਵਿੱਚ $37 ਬਿਲੀਅਨ ਹੋਣਗੇ, ਜੋ ਦੁਨੀਆ ਦੀਆਂ ਕਈ ਫੌਜਾਂ ਨਾਲੋਂ ਵੱਡਾ ਬਜਟ ਹੈ।
ਪ੍ਰਵਾਸੀਆਂ ਪ੍ਰਤੀ ਟਰੰਪ ਪ੍ਰਸ਼ਾਸਨ ਦੀਆਂ ਹੋਰ ਨੀਤੀਆਂ ਵੀ ਡਰਾਈਵਰਾਂ ਦੀ ਗਿਣਤੀ ਨੂੰ ਘਟਾਉਣਗੀਆਂ। ਇਹਨਾਂ ਵਿੱਚ ਸ਼ਾਮਲ ਹਨ:
ਗੈਰ-ਨਿਵਾਸੀ ਛਧਲ਼: ਗੈਰ-ਨਿਵਾਸੀ CDL ਦੀ FMCSA ਸਮੀਖਿਆ, ਜੋ ਇਮੀਗ੍ਰੇਸ਼ਨ ਪਾਲਣਾ ਦੁਆਰਾ ਚਲਾਈ ਗਈ ਹੈ, 5,000 ਤੋਂ 10,000 ਵਿਦੇਸ਼ੀ ਡਰਾਈਵਰਾਂ ਨੂੰ ਕੰਮ ਤੋਂ ਹਟਾ ਸਕਦੀ ਹੈ, ਮੁੱਖ ਤੌਰ ‘ਤੇ ਮੈਕਸੀਕੋ ਅਤੇ ਕੈਨੇਡਾ ਤੋਂ।
ਹੋਰ ਪਾਬੰਦੀਆਂ: ICE ਆਡਿਟ, ਜੋ H.R. 1 ਦੇ ਲਾਗੂਕਰਨ ਫੰਡਾਂ ਦੁਆਰਾ ਸਮਰਥਿਤ ਹਨ, 8,000 ਤੋਂ 12,000 EAD-ਨਿਰਭਰ ਡਰਾਈਵਰਾਂ ਦੀ ਨਿਯੁਕਤੀ ਨੂੰ ਰੋਕ ਸਕਦੇ ਹਨ, ਕਿਉਂਕਿ ਫਲੀਟ ਜੁਰਮਾਨਿਆਂ ਤੋਂ ਬਚਣਾ ਚਾਹੁੰਦੇ ਹਨ।
ਸਰਹੱਦੀ ਲਾਗੂਕਰਨ: ਹਾਈਵੇ ਫੰਡਿੰਗ ਦੀ ਬਜਾਏ ਸਰਹੱਦੀ ਸੁਰੱਖਿਆ ਨੂੰ ਤਰਜੀਹ ਦੇਣਾ ਵੇਅ ਸਟੇਸ਼ਨਾਂ ‘ਤੇ ਇਮੀਗ੍ਰੇਸ਼ਨ ਜਾਂਚਾਂ ਨੂੰ ਸਖ਼ਤ ਕਰਦਾ ਹੈ ਅਤੇ ਦੇਰੀ ਕਾਰਨ 2,000 ਤੋਂ 3,000 ਡਰਾਈਵਰਾਂ ਦੀ ਸਮਰੱਥਾ ਦੇ ਨੁਕਸਾਨ ਦਾ ਕਾਰਨ ਬਣੇਗਾ।
ਵਿਸ਼ਲੇਸ਼ਕਾਂ ਅਨੁਸਾਰ, ਪ੍ਰਸ਼ਾਸਨ ਦੇ ਦੇਸ਼ ਨਿਕਾਲਿਆਂ ਲਈ ਉਤਸ਼ਾਹ ਦਾ ਇੱਕ ਮਾੜਾ ਪ੍ਰਭਾਵ ਸ਼ਿਪਰਾਂ ਲਈ ਸਮਰੱਥਾ ਲੱਭਣਾ ਮੁਸ਼ਕਲ ਬਣਾਉਣਾ ਹੋਵੇਗਾ, ਅਤੇ ਇਸ ਨਾਲ ਦਰਾਂ ਵਧਣਗੀਆਂ, ਖਾਸ ਤੌਰ ‘ਤੇ ਕਿਉਂਕਿ ਰਿਟੇਲਰਾਂ ਅਤੇ ਸ਼ਿਪਰਾਂ ਨੇ ਕਈ ਤਰ੍ਹਾਂ ਦੀਆਂ ਖਪਤਕਾਰ ਵਸਤੂਆਂ ‘ਤੇ ਵਾਅਦਾ ਕੀਤੇ ਗਏ ਟੈਰਿਫ ਤੋਂ ਪਹਿਲਾਂ ਆਪਣੇ ਵੇਅਰਹਾਊਸਾਂ ਵਿੱਚ ਮਾਲ ਦਾ ਭੰਡਾਰ ਕੀਤਾ ਹੈ। ਡੇਟਾ ਸੁਝਾਉਂਦਾ ਹੈ ਕਿ ਦਰਾਂ ਮਹਾਂਮਾਰੀ ਦੇ ਦੌਰ ਦੀਆਂ ਉੱਚੀਆਂ ਦਰਾਂ ‘ਤੇ ਵਾਪਸ ਆ ਸਕਦੀਆਂ ਹਨ। ਇਹ ਕੈਰੀਅਰਾਂ ਨੂੰ ਸਰਹੱਦ ਪਾਰ ਅਤੇ ਮਹੱਤਵਪੂਰਨ ਰੂਟਾਂ ‘ਤੇ ਬਹੁਤ ਸਾਰੇ ਵਿਕਲਪ ਪ੍ਰਦਾਨ ਕਰੇਗਾ।
