Home Featured FMCSA ਨੇ CMV ਮੁੱਦਿਆਂ ਅਤੇ ਪਹਿਲਕਦਮਾਂ ਬਾਰੇ ਫੀਡਬੈਕ ਦੇਣ ਲਈ ਇਕ ਡ੍ਰਾਇਵਰਾਂ ਦਾ ਪੈਨਲ ਬਣਾਇਆ ਹੈ

FMCSA ਨੇ CMV ਮੁੱਦਿਆਂ ਅਤੇ ਪਹਿਲਕਦਮਾਂ ਬਾਰੇ ਫੀਡਬੈਕ ਦੇਣ ਲਈ ਇਕ ਡ੍ਰਾਇਵਰਾਂ ਦਾ ਪੈਨਲ ਬਣਾਇਆ ਹੈ

by Punjabi Trucking
0 comment

20 ਤੋਂ 25 ਡ੍ਰਾਈਵਰਾਂ ਦਾ ਸਮੂਹ ਮੋਟਰ ਕੈਰੀਅਰ ਸੇਫਟੀ ਐਡਵਾਈਜ਼ਰੀ ਕਮੇਟੀ ਦੀ ਇਕ ਉਪ ਕਮੇਟੀ ਹੋਵੇਗੀ, ਜਿਸ ਵਿਚ ਉਦਯੋਗਾਂ ਦੇ ਮਾਹਰ ਸ਼ਾਮਿਲ ਹੋਣਗੇ ਜੋ FMCSA ਨੂੰ ਸਲਾਹ ਦੇਣਗੇ। ਵਪਾਰਕ ਵਾਹਨ ਚਾਲਕਾਂ ਦਾ ਇੱਕ ਪੈਨਲ ਬਣਾਇਆ ਜਾ ਰਿਹਾ ਹੈ ਤਾਂ ਜੋ ਫੈਡਰਲ ਰੈਗੂਲੇਟਰਾਂ ਨੂੰ ਸੁਰੱਖਿਆ, ਘੰਟਿਆਂ ਦੀ ਸੇਵਾ (HOS) ਨਿਯਮਾਂ, ਸਿਖਲਾਈ, ਪਾਰਕਿੰਗ ਅਤੇ ਡਰਾਈਵਰਾਂ ਦੇ ਤਜਰਬੇ ਸੰਬੰਧੀ ਫੀਡਬੈਕ ਦਿੱਤਾ ਜਾਵੇ। ਪੈਨਲ 20 ਤੋਂ 25 ਪੇਸ਼ੇਵਰ ਡਰਾਈਵਰਾਂ ਦਾ ਬਣਾਇਆ ਜਾਵੇਗਾ। ਉਹ ਮੋਟਰ ਕੈਰੀਅਰ ਸੇਫਟੀ ਐਡਵਾਈਜ਼ਰੀ ਕਮੇਟੀ (MCSAC) ਦੀ ਸਬ ਕਮੇਟੀ ਦੇ ਰੂਪ ਵਿੱਚ ਕੰਮ ਕਰਨਗੇ, ਜਿਸ ਵਿੱਚ ਇਸ ਸਮੇਂ ਮੋਟਰ ਕੈਰੀਅਰ ਸੇਫਟੀ ਐਡਵੋਕੇਸੀ, ਸੇਫਟੀ ਇਨਫੋਰਸਮੈਂਟ, ਉਦਯੋਗ ਅਤੇ ਲੇਬਰ ਸੈਕਟਰ ਦੇ ਮਾਹਰ ਸ਼ਾਮਿਲ ਹਨ। MCSAC ਨੂੰ 2006 ਵਿੱਚ ਫੈਡਰਲ ਮੋਟਰ ਕੈਰੀਅਰ ਸੇਫਟੀ ਐਡਮਨਿਸਟ੍ਰੇਸ਼ਨ (FMCSA) ਪ੍ਰਬੰਧਕ ਨੂੰ ਮੋਟਰ ਕੈਰੀਅਰ ਸੇਫਟੀ ਪ੍ਰੋਗਰਾਮਾਂ ਅਤੇ ਮੋਟਰ ਕੈਰੀਅਰ ਸੇਫਟੀ ਨਿਯਮਾਂ ਬਾਰੇ ਸਲਾਹ ਅਤੇ ਸਿਫਾਰਸ਼ਾਂ ਪ੍ਰਦਾਨ ਕਰਨ ਲਈ ਬਣਾਇਆ ਗਿਆ ਸੀ। U.S. ਦੇ ਆਵਾਜਾਈ ਸਕੱਤਰ ਈਲੇਨ ਐਲ ਚਾਓ ਨੇ ਨਵਾਂ ਸਮੂਹ ਐਲਾਨ ਕਰਦਿਆਂ ਕਿਹਾ ਕਿ ਟਰੱਕ ਡਰਾਈਵਰ ਅਤੇ ਹੋਰ ਵਪਾਰਕ ਵਾਹਨ ਚਾਲਕ ਅਮਰੀਕੀ ਹੀਰੋ ਹਨ ਜਿਨ੍ਹਾਂ ਨੇ ਸਿਹਤ ਐਮਰਜੈਂਸੀ ਦੌਰਾਨ ਸਾਡੀ ਆਰਥਿਕਤਾ ਨੂੰ ਚਲਦਾ ਰੱਖਣ ਲਈ ਹਰ ਸੰਭਵ ਯਤਨ ਕੀਤੇ, ਇਸ ਲਈ ਸੜਕਾਂ ਤੇ ਸੁਰੱਖਿਆ ਨੂੰ ਮਜ਼ਬੂਤ ​​ਕਰਨ ਲਈ ਇਹਨਾਂ ਦੇ ਸੁਝਾਵਾਂ ਦੀ ਜ਼ਰੂਰਤ ਹੈ। FMCSA ਦੇ ਡਿਪਟੀ ਪ੍ਰਸ਼ਾਸਕ ਵਿਲੀ ਡੇਕ ਅਨੁਸਾਰ, “ਜੋ ਇਸ ਸਮੇਂ ਕਾਰਜਕਾਰੀ ਪ੍ਰਸ਼ਾਸਕ ਹਨ”, ਆਵਾਜਾਈ ਵਿਭਾਗ ਅਤੇ ਇਹ ਪ੍ਰਸ਼ਾਸਨ ਸਾਡੇ ਡਰਾਈਵਰਾਂ ਦੀਆਂ ਚਿੰਤਾਵਾਂ ਨੂੰ ਸਿੱਧੇ ਸੁਣਨ ਤੇ ਵਿਸ਼ਵਾਸ ਕਰਦਾ ਹੈ। ਅਸੀਂ ਜਾਣਦੇ ਹਾਂ ਕਿ ਚੁਣੌਤੀਆਂ ਦੇ ਬਹੁਤ ਸਾਰੇ ਹੱਲ ਵਾਸ਼ਿੰਗਟਨ ਤੋਂ ਨਹੀਂ ਆਉਂਦੇ – ਉਹ ਉਨ੍ਹਾਂ ਮਿਹਨਤੀ ਆਦਮੀਆਂ ਅਤੇ ਔਰਤਾਂ ਤੋਂ ਆਉਂਦੇ ਹਨ ਜੋ ਦਿਨ ਰਾਤ ਟਰੱਕ ਚਲਾ ਕੇ ਮਿਹਨਤ ਕਰਦੇ ਹਨ। FMCSA ਦੀ ਇਹ ਨਵੀਂ ਸਬ ਕਮੇਟੀ, ਅਮਰੀਕਾ ਦੇ ਵਪਾਰਕ ਡਰਾਈਵਰਾਂ ਤੋਂ ਸੁਣਨ ਵਿਚ ਸਾਡੀ ਸਹਾਇਤਾ ਕਰੇਗੀ। MCSAC ਦਾ ਮੌਜੂਦਾ ਚਾਰਟਰ ਸਤੰਬਰ 27, 2021 ਨੂੰ ਖਤਮ ਹੋ ਰਿਹਾ ਹੈ, ਪਰੰਤੂ ਇਸ ਨੂੰ ਕਈ ਵਾਰ ਵਧਾਇਆ ਗਿਆ ਹੈ ਕਿਉਂਕਿ ਇਹ ਪਹਿਲੀ ਵਾਰ ਜਾਰਜ ਡਬਲਯੂ ਬੁਸ਼ ਪ੍ਰਸ਼ਾਸਨ ਦੇ ਦੌਰਾਨ ਬਣਾਇਆ ਗਿਆ ਸੀ। ਜਦੋਂ ਕਿ FMCSA ਵਿਚ ਸਭ ਤੋਂ ਉੱਚੀ ਨੌਕਰੀ ਵਿਚ ਤਿੰਨ ਵੱਖ-ਵੱਖ ਆਗੂ (ਇਕ ਸੈਨੇਟ ਦੁਆਰਾ ਪੁਸ਼ਟੀ ਕੀਤੇ ਪ੍ਰਸ਼ਾਸਕ ਅਤੇ ਦੋ ਕਾਰਜਕਾਰੀ ਆਗੂ) ਹਨ ਅਤੇ ਏਜੰਸੀ ਡਰਾਈਵਰਾਂ ਲਈ ਲਚਕਤਾ ਪ੍ਰਦਾਨ ਕਰਨ ਲਈ HOS ਨਿਯਮਾਂ ਵਿਚ ਤਬਦੀਲੀਆਂ ਨੂੰ ਅੱਗੇ ਵਧਾਉਣ ਦੇ ਯੋਗ ਹੋ ਗਈ ਹੈ। HOS ਨਿਯਮਾਂ ਵਿਚ ਚਾਰ ਮੁੱਖ ਤਬਦੀਲੀਆਂ ਸਤੰਬਰ 29 ਤੋਂ ਲਾਗੂ ਹੋਣ ਵਾਲੀਆਂ ਹਨ। ਹਾਲਾਂਕਿ, ਚਾਰ ਸੁਰੱਖਿਆ ਵਕੀਲ ਸਮੂਹ ਇਹ ਕੋਸ਼ਿਸ਼ ਕਰ ਰਹੇ ਹਨ ਕਿ ਅਦਾਲਤਾਂ ਨਿਯਮਾਂ ਵਿਚ ਤਬਦੀਲੀਆਂ ਨੂੰ ਹੋਲਡ ਅੱਪ ਕਰਨ।

You may also like

Leave a Comment